Nyoni Nyonia Nyone

Ruru ni rugano rwa kiriu Ruru ni rugano rwa magegania Ruru ni rugano rwi na gikeno Ruru rugano rwi na ngunyiriri Ni rugano rwa Abirika itu Rugano rwa mundu muiru Rugano rwa gwikuwa na gwikunguira Rugano rugutuma twihuge na twihugure Rugano ruraturia twitiire na twitiye na citu Rekei tumbuke na Mfuachuma Rekei atutware ng'endoini cia kwiyonera Rekei twimenyere maingi maria tutoe Rekei atuhithuririe hitho iria ituire i hithe Hitho iria igutuma twirore ringi twimenye wega Hitho iria igutuma twitiire na twitiye na bururi witu Hitho iria igutuma tugarurire mithiire na mikinyukirie itu Utonga wa Abirika utongie Abirika Utonga wa thiomi citu utume ithomithie Abirika Utonga wa meciria maitu utume macarie Abirika itu Miikarire itu tumikurie inoore na inorie mioyo itu Njiarwa na njiarwa, tene na tene! Riu ni tumbuke rieraini na Mfuachuma Na tukiumbuka nake, na ithui twiyugire: Nyoni nyonia nyone!

• | Author: Ngaugai
• | Publisher: East African Educational Publishers
• | Publication Date: May 03, 2017
• | Number of Pages: 62 pages
• | Language: English
• | Binding: Paperback
• | ISBN-10: 9966561919
• | ISBN-13: 9789966561916